Início / Menu Diócesis / Noticias

Ofrenda do Antigo Reino de Galicia ao Santísimo Sacramento


Esta fin de semana, 25 e 26 de xuño, terá lugar na cidade de Lugo a tradicional Ofrenda do Antigo Reino de Galicia ao Santísimo Sacramento.

Os actos desta festa comezarán o sábado, día 25, coas Solemnes Vésperas na Catedral de Santa María ás 20.00 h. Nestas participarán tanto o cabildo catedralicio como o oferente e a corporación municipal.

O domingo celebrarase o día grande coa Solemne Misa Pontifical ás 12.00 horas na seo lucense. Este ano presidirá a liturxia o Arcebispo de Santiago de Compostela, monseñor Julián Barrio Barrio, que recibirá a ofrenda do alcalde da capital de Galicia, José Sánchez Bugallo.

Os actos do domingo poderán seguirse a través da canle de Youtube da Diocese de Lugo así como pola canle A Nove TV.