Na tarde do sábado 27 de maio a Catedral de Lugo encheuse de fieis que se reuniron para celebrar a Misa da Vixilia da solemnidade de Pentecoste e a administración do sacramento da Confirmación.

O Bispo, monseñor Alfonso Carrasco, presidiu a Eucaristía na que foron confirmados varios mozos pertencentes á parroquia de San Vicenzo de Rábade e ás lucenses de San Froilán, A Milagrosa, San Xosé das Gándaras, San Francisco Xabier e San Vicenzo de Veral.

Os cantos correron a cargo dun coro interparroquiel formado por persoas de varias comunidades da capital da Diocese.