A Diocese de Lugo, a Catedral de Lugo, o Museo Diocesano Catedralicio de Lugo e Artisplendore, organizan para este venres 26 de maio, ás 17:30 h, a actividade de interpretación do patrimonio “As Paisaxes na Catedral de Lugo”. Esta, que terá lugar na seo lucense, está baseada na investigación que será presentada no congreso do Comité Español de Historia da arte (Madrid, 12-17 de xuño) e nela analízarase o elenco de paisaxes que se atopan diseminados polo templo. Estas paisaxes materialízanse en soportes como madeira, óleo ou prata e levan a sinatura dalgún dos máis prestixiosos mestres que traballaron en Galicia entre os séculos XVI e XIX.
A actividade durará 1 hora e o custo é de 2 €. Para participar é preciso anotarse chamando ao teléfono 683 166 703 ou a través do email catedraldelugo@artisplendore.com.
Esta actividade está organizada pola delegación episcopal de Patrimonio Artístico.
