A parroquia de Lalín (Pontevedra) vén de presentar a segunda edición do seu Concurso de Beléns. Con esta iniciativa, que comezou no pasado ano, "preténdese reavivar a tradición de colocar o Nacemento nos fogares e nos comercios no tempo do Nadal".

Son dúas as categorías a través das cales se pode participar: familiar e establecementos comerciais. Na primeira, concursarán todas as familias das parroquias de Lalín e Donramiro que o desexen. Na segunda, os comercios, bares, oficinas, etc. dos mesmos lugares. Na modalidade familiar outorgaranse tres premios e dous na comercial. Os agasallos serán cestas de Nadal con productos alimenticios de distintos mosteiros de España.

Na primeira edición, celebrada o pasado ano, presentáronse 55 beléns. Deles, resultou gañador un de ganchillo e fíos de perle feito pola avoa da familia Menjíbar Vázquez durante o confinamento.