O venres, 15 de setembro, a Adoración Nocturna presente na nosa Diocese Lugo celebra a súa asemblea anual. O encontro comezará ás 19.00 horas coa celebración da Eucaristía na capela maior do Seminario Diocesano. Posteriormente terá lugar, no salón de actos, a presentación dos informes de secretaría, tesourería e presidencia. Pechará a xuntanza o director espiritual diocesano do movemento.